البحث عن مواضيع

حسام خطيب بقلم حسام خطيب التفاصيل الصغيرة اللي مرقنا عنها بوقتها، بتصير بعد فترة "كل شي". كل ما بنكبر، بنحس قديه تفصيل ما كان مهم في هديك اللحظة، كبر حتى صار هو الأهم. دائرة الضو جوا الدماغ بتصبح مسلطة عليها بس، والباقي بيتخبى في عتمة الأفكار. الضحكات العابرة كلها بيصير إلها وزنها واعتبارها. نظرات العيون ،،، الدمعات ،،، الحركات البسيطة ،،، العبارات الحلوة ،،، كلها بتفرق! واللي بيحكي أو بيظن مجرد ظن غير هيك، ما ترد عليه. النسبية هون كثير مهمة. بس يكون معك "فلان" من الناس، ما بتكلف خاطرك تقدر تفصيل صغير منه، لأنها باعتقادك رح تنعاد كتير. لكن، بس يختفي هالفلان الغالي من حياتك لسبب من الأسباب، بيكبر هالتفصيل وبيكتسب فجأة صفة "لحظات مميزة". لو بيطلع بإيدك تكسب فنجان قهوة مع شخص عزيز راح، وبشرط تضلكم سوا ساكتين طول القعدة والحوار لغة عيون فقط، رح تضيع الفرصة؟! قبل سنين، كان عرض عادي جدا وبسيط. اليوم، صار عرض استثنائي وفوق العادة. هون القصة! بنظل نعتقد أنه وزن الأمور ثابت مع الزمن، وهي حقيقة متغيرة جدا. التفاصيل الصغيرة يا جماعة ،،، التفاصيل مهمة! من أنا؟؟ و من هي ؟؟ و من أنت؟؟ مطمئن حد الضياع مقتطفات ( حلم و مطر )

التفاصيل الصغيرة

tumblr_moup4wAYju1r0oqiso1_500
بواسطة: - آخر تحديث: 14 فبراير، 2017

حسام خطيب

بقلم حسام خطيب

التفاصيل الصغيرة اللي مرقنا عنها بوقتها، بتصير بعد فترة “كل شي”. كل ما بنكبر، بنحس قديه تفصيل ما كان مهم في هديك اللحظة، كبر حتى صار هو الأهم. دائرة الضو جوا الدماغ بتصبح مسلطة عليها بس، والباقي بيتخبى في عتمة الأفكار.

الضحكات العابرة كلها بيصير إلها وزنها واعتبارها. نظرات العيون ،،، الدمعات ،،، الحركات البسيطة ،،، العبارات الحلوة ،،، كلها بتفرق! واللي بيحكي أو بيظن مجرد ظن غير هيك، ما ترد عليه. النسبية هون كثير مهمة. بس يكون معك “فلان” من الناس، ما بتكلف خاطرك تقدر تفصيل صغير منه، لأنها باعتقادك رح تنعاد كتير. لكن، بس يختفي هالفلان الغالي من حياتك لسبب من الأسباب، بيكبر هالتفصيل وبيكتسب فجأة صفة “لحظات مميزة”.

لو بيطلع بإيدك تكسب فنجان قهوة مع شخص عزيز راح، وبشرط تضلكم سوا ساكتين طول القعدة والحوار لغة عيون فقط، رح تضيع الفرصة؟! قبل سنين، كان عرض عادي جدا وبسيط. اليوم، صار عرض استثنائي وفوق العادة. هون القصة! بنظل نعتقد أنه وزن الأمور ثابت مع الزمن، وهي حقيقة متغيرة جدا.

التفاصيل الصغيرة يا جماعة ،،، التفاصيل مهمة!

من أنا؟؟ و من هي ؟؟ و من أنت؟؟

مطمئن حد الضياع

مقتطفات ( حلم و مطر )